ТЕЛЕВИЗИЈА ЕДО

СЕКОГАШ СО ВАС

Курти ја одби поканата на Тачи

Лидерот на движењето Самоопределување (ВВ) Албин Курти, кој се очекува да биде нов премиер на Косово откако неговата партија победи на парламентарните избори во октомври, ја одби поканата од претседателот Хашим Тачи за средба на која требаше да му биде доделен мандадот за состав на новата влада, јави дописникот на МИА од Приштина.   Извори од Самоопределување изјавија за медиумите дека Тачи ја испратил поканата околу 11 часот и дека нивниот лидер не може да стаса на состанокот во 13.30 поради обврски надвор од Приштина.   Според ВВ, Курти набргу ќе го извести претседателот за термините во кои може да се сретне со него.   Хашим Тачи и партијата што тој ја основа, Демократската партија на Косово (ПДК) се најчестата мета на напади од страна на ВВ и Курти во целиот повоен период во Косово. 

Please follow and like us:
Copyright © Едо телевизија. | Newsphere by AF themes.