САД му продаваат на Тајван оружје вредно над 2,2 милијарди долари и покрај протестите на Кина
Американскиот Стејт департмент одобри продажба на оружје на Тајван во вредност од над 2,2 милијарди долари, соопшти министерството за одбрана на САД
Известувањето за продажбата, која вклучува 108 тенкови М1А2 „абрамс“ и 25 рачни ракетни фрлачи „стингер“, е проследено во Конгресот. Конгресот има 30 дена за вложување жалба, што нема да се случи.
Соопштението речиси сигурно ќе ја разгневи Кина, која го смета Тајван за дел од својата територија. Пекинг и Вашингтон веќе со месеци се во трговска војна.
Тајван на почетокот на јуни ја потврди намерата на Вашингтон да му ја испрати нарачката, а Кина потоа изрази „сериозна загриженост“ околу зделката.
Political-Military Affairs, US Dept of State✔ @StateDeptPM
@StateDept authorizes FMS to TECRO #Taiwan– M1A2T Abrams Tanks and Related Equipment valued at up to $2 billion @StateDeptPM @USAsiaPacific #FMSupdate–https://go.usa.gov/xyKS2
Новото оружје ќе ја „модернизира опремата на тајванската војска и нема да влијае врз рамнотежата на силите во регионот“, се наведува во американското соопштение.
Кина го смета Тајван за дел од својата територија, а со островот владее ривалски режим кој таму нашол засолниште по поразот во 1949 од комунистите во граѓанската војна.
Од друга страна, Вашингтон во 1979 година ги прекина дипломатските односи со Тајван за да ги признае властите во Пекинг како единствени претставници на Кина но останува најмоќниот сојузник и главен снабдувач со оружје на одметнатиот остров.
Претседателот на САД Доналд Трамп не ја крие намерата да ги зајакне врските со Тајван, пред сѐ преку продажба на софистицирано оружје.
