Швајцарија ја одобри вакцината на ,,Модерна”

Швајцарија ја одобри вакцината „ковид-19“ од американската биотехнолошка компанија „Модерна“, втора по вакцините произведени од американската „Фајзер“ и германскиот „БиоНТех“ .

Се очекува да добие вкупно 1,5 милиони дози на вакцини од тие компании до крајот на февруари.

Швајцарскиот регулатор Свисмедик донесе одлука неколку дена откако Европската агенција за лекови (ЕМА) ја одобри вакцината на Модерна.

Вакцината е базирана на технологија на гласничка РНК, како и онаа произведена од Pfizer и BioNTech и се дава во две дози и е ефикасна 95 проценти.

Во Швајцарија досега се заразени околу 500.000 луѓе со коронавирус, а повеќе од 7.500 починале.

Швајцарија започнала да вакцинира со вакцините на Pfizer и BioNTech пред Божиќ.

Претставници на Министерството за здравство очекуваат земјата да добие 500 000 дози вакцини во јануари и уште еден милион во февруари.

„По темелна проверка на сите доставени податоци за безбедност, ефикасност и квалитет, Swissmedic денес привремено ја одобри вакцината на Modernа”, објави регулаторот.

Вакцината е означена како „Произведено во Швајцарија“, бидејќи договорниот производител на лекови „Лонза“ ги произведува активните состојки во своите фабрики во Виспо, близу до Матерхорн.

Швајцарија нарачала скоро 15 милиони дози вакцина „ковид-19“, вклучувајќи ја и на „АстраЗенека“, кој сè уште не е одобрена, а за тоа се предвидени 400 милиони швајцарски франци.

Швајцарија има 8,6 милиони жители.

Ве молиме следете не и стискајте лајк: