Чулев: Доказ за негрижата за вработените во МВР е изјавата на Ангеловска
Министерот за внатрешни работи Наќе Чулев реагираше дека изјавата на министерката за финансии Нина Ангеловска е уште еден доказ за негрижата на Владата за вработените во МВР.
Ангеловска, на денешната прес-конференција рече дека предлогот на Чулев за парична награда на полицајците од 15.000 денари не е во склоп со барањето за ребаланс на буџетот.
Ангеловска: Ќе најдеме начин за награда на сите од борбата со Ковид-19
Според Чулев, Ангеловска го кажала тоа што во суштина го мисли премиерот Оливер Спасовски. Тој посочува дека Спасовски во изминатиот период постојано потенцирал дека стандардот на полициските службеници е важен. Но, како што наведува Чулев, веројатно само кога тој е на чело на Министерството за внатрешни работи.
„Грижата за нив и за нивните плати заврши во моментот кога тој замина од Министерството за внатрешни работи“, напиша Чулев на Фејсбук.
Тој додава и дека до сега од буџетот на МВР се скратени околу пет милиони евра и кратењето е направено на барање на Министерството за финансии, а за потребите на ребалансот на буџетот.
Чулев предлага финансиска награда за вработените во МВР
Чулев вчера рече дека подготвил предлог-уредба за награда за полицијците за придонес во борбата со Ковид-19 која ќе ја достави до Владата.
