Усвоен „lex specialis“ за „швајцарците“
Овој закон е резултат на компромисното решение меѓу државата, здруженијата на граѓани и банките.
Српскиот парламент денеска го усвои Законот за конверзија на станбените кредити индексирани во швајцарски франци.
Овој закон е резултат на компромисното решение меѓу државата, здруженијата на граѓани и банките.
Граѓаните ќе имаат избор дали да ги претворат своите заеми во евра или да продолжат со судските спорови според новиот закон.
„Lex specialis“ предвидува дека преостанатиот дел од долгот ќе се конвертира во евра и дека износот со конверзијата ќе се намали за 38 проценти и дека каматната стапка ќе биде ограничена на 3,4 проценти.
Понуденото решение државата ќе ја чини 11,7 милијарди динари.
Во рок од 30 дена од денот на стапување на сила на овој закон, банката е должна да им достави на корисниците понуда за склучување на договор.
Доколку се прифати конверзијата на станбениот кредит да се врши во согласност со овој закон, корисникот е должен да ја извести банката во рок од 30 дена од денот на приемот на документите и да склучи договор за конверзија со него.
Министерот за финансии Синиша Мали изјави претходно дека со „lex specialis“ граѓаните задолжени во швајцарски франци по повеќе од една деценија ќе биде решен тој проблем за 15.785 лица.
„Најважно е дека со овој закон ќе бидат опфатени сите корисници на овие кредити, така што на граѓаните ќе им се овозможи трајно да го решат овој проблем“, рече Мали.
