УКРАИНА ГО ЗНАЕ ПЛАНОТ НА РУСИЈА: Путин се обидува да создаде Северна и Јужна Украина
Русија се обидува да ја подели Украина на два дела и да создаде регион под контрола на Москва, бидејќи не успеа да ја преземе целата земја, изјави во денеска шефот на украинската воена разузнавачка служба.
„Всушност, тоа е обид да се создадат Северна и Јужна Кореја во Украина“, рече Кирило Буданов во изјавата, додавајќи дека Украина наскоро ќе започне герилска војна на територијата окупирана од Русија.
Како што рекоа претходно воените аналитичари, претседателот Владимир Путин ќе продолжи да се обидува да создаде некаква форма на контрола врз целата земја, истовремено обидувајќи се да ја спречи Украина воопшто да се приклучи на НАТО. Висок американски одбранбен функционер изјави дека Русија се соочува со поголем отпор отколку што очекуваше, не само во нејзиното напредување кон Киев, пренесува Ројтерс.
