ТЕЛЕВИЗИЈА ЕДО

СЕКОГАШ СО ВАС

Трамп: Би се фрлил во публиката и би ви дал дебел бакнеж

На сите би ви дал еден дебел бакнеж. Имун сум на болеста – вака американскиот претседател им ја изрази љубовта на своите приврзаници во Санфорд Флорида, на првиот митинг откако пред две недели соопшти дека е позитивен на КОВИД 19.

Доналд Трамп, во обид да го спаси претседателскто столче, се врати во изборната трка, и френетично го најави изборниот ден како голема победа. Не носеше заштитна маска, се фалеше дека одлично се справува со епидемијата, го исмеваше противкандидатот Џо Бајден, а на присутните им фрлаше и маски.

ЕДНА УБАВА РАБОТА ЗА МЕНЕ Е ШТО ПОМИНАВ НИЗ ТОА. СЕГА ВЕЛАТ ДЕКА СУМ ИМУН. ЧУВСТВУВАМ, СЕ ЧУВСТВУВАМ МОЌЕН, БИ ВЛЕГОЛ ВО ПУБЛИКАТА, БИ ВЛЕГОЛ И БИ ГИ БАКНАЛ СИТЕ ТАМУ. И МОМЧИЊАТА И УБАВИТЕ ЖЕНИ И СИТЕ. БИ ВИ ДАЛ ГОЛЕМ ДЕБЕЛ БАКНЕЖ. 

Настанот, според аналитичарите, е одлично место за супер ширење на инфекцијата. На Трамп како да не му е многу грижа што од болеста во Америка починаа 215 илјади луѓе, иако тој на митингот им кажа дека ги почитува сите Американци, и дека тоа е една љубовна гозба која трае 4 години.

Неговиот ривал, Џо Бајден, на собирот во Охајо, го обвини Трамп за „непромислен“, бидејќи се уште никој од докторите не потврдил дека претседателот е негативен на вирусот. Трамп е во паника вели Бајден.

ТРАМП ПАНИЧИ. ТРАМП Е ОНОЈ КОЈ ПАНИЧИ, ЕДНОСТАВНО НЕПРОМИСЛЕНО ОДНЕСУВАЊЕ ОД НЕГОВАТА ДИЈАГНОЗА ИСТО ТАКА, КОЈА Е НЕСОВЕСНА. КОЛКУ ПОДОЛГО ДОНАЛД ТРАМ Е ПРЕТСЕДАТЕЛ, ТОЛКУ ПОНЕПРОМИСЛЕН СТАНУВА, ПОРАЧА БАЈДЕН. 

Во меѓувреме, над десет милиони Американци веќе гласаа на претседателските избори по пошта. Доставени се над десет милиони ливчиња. Локалните власти на Џорџија, Вирџинија и Охајо пријавија рекордна излезност.

Последните анкети велат дека Џо Бајден полека ја зголемува предноста пред Трамп во клучните сојузни држави, како Висконсин и Пенсилванија – што веројатно го вклучи алармот во републиканскиот табор, Трамп сепак да биде виден во јавноста и да се соочи со симпатизерите. Санфорд на Флорида е само првата станица на Трамп во неговата активна недела – го чекаат митинзи во Ајова, Пенсилванија, Северна Каролина и Висконсин.

Please follow and like us:
Copyright © Едо телевизија. | Newsphere by AF themes.