ТЕЛЕВИЗИЈА ЕДО

СЕКОГАШ СО ВАС

Столтенберг се кандидираше за гувернер на Централната банка на Норвешка

Генералниот секретар на НАТО, Јенс Столтенберг, чиј мандат истекува во 2022 година, е кандидат за гувернер на Централната банка на Норвешка, соопшти денеска норвешкото Министерство за финансии.

Столтенберг, поранешен премиер и министер за финансии, има диплома по економија и се наоѓа на листата од 22 кандидата за гувернер.

– Министерството за финансии ме контактираше во ноември да ме праша дали би размислил да аплицирам за позицијата. Го направив тоа бидејќи многу ме мотивира, истакна Столтенберг (62), чиј мандат како генерален секретар на НАТО истекува на 30 септември 2022 година.

Централната банка на Норвешка одлучува за монетарната политика на земјата и го надгледува огромниот државен фонд на земјата, кој се смета за најголем во светот. Мандатот на гувернерот трае шест години.

Please follow and like us:
fb-share-icon
Copyright © Едо телевизија. | Newsphere by AF themes.