ТЕЛЕВИЗИЈА ЕДО

СЕКОГАШ СО ВАС

СДСМ: Силна економијата, нова германска странска инвестиција во земјава

Успешните економски политики на Владата предводена од СДСМ и напредокот воевроинтеграциите ја вратија довербата и конкурентноста во домашната економија. Република Северна Македонија е атрактивна земја за инвестирање со силна економија. Германската компанија „Герешајмер“ реши да ги искористи економските поволности и да инвестира во нова фабрика во земјава, стои во соопштението од СДСМ.Компанијата ќе произведува фармацевтски амбалажи и производи а обезбедува нови 400 работни места наменети за високо квалификуван кадар со високи плати. Странските инвестиции имаат заначајна улога во поттикнувањето на економскиот раст и намалувањето на невработеноста. Само во 2018 во странските инвестиции отворени се 4.500 работни места.

Во 2018 година забележан е рекорден износ на странски инвестиции од 624,5 милиони евра, а рекорден раст бележеше и индустриското производство кое во 2018 година беше највисоко во последните седум години.

Со пристапувањето во НАТО и процесот на интеграција во ЕУ, економскиот раст дополнително ќе се интензивира со што ќе се отворат можности за повеќе инвестиции, нови работни места, повисоки плати, повеќе пари и повисок животен стандард за сите граѓани, се вели во соопштението.

Please follow and like us:
Copyright © Едо телевизија. | Newsphere by AF themes.