Русија распоредила воени авиони на Крим

Десетина руски воени авиони биле распоредени во базата во полуостровот Крим, врз кој земјата изврши анексија во 2014 година. Таквиот чекор доаѓа по тензиите меѓу Украина и Русија во регионот кои беа покренати по запленувањето на три украински бродови од страна на Русија во теснецот Керч.

Рускиот министер за надворешни работи Сергеј Лавров изјави дека Украина се подготвувала за провокација во регионот пред крајот на годинава. Киев обвинува дека Москва ги зајакнува своите воени сили на границата меѓу двете земји.