Рекордни 1797 новозаболени во Словенија,Владата со апел:Останете дома
Во Словенија, 1.797 нови случаи на инфекција со коронавирус се потврдени на 6.710 тестови во последните 24 часа, објави денеска портпаролот на словенечката влада за ковид-19, Јелко Кацин.
Изменетиот протокол за тестирање се применува од средата, што значи дека лекарите од примарната здравствена заштита повеќе не ги упатуваат на тестирање оние кои покажуваат знаци на болест и имаат поблаги симптоми, туку само на оние со потешки форми на болеста, вработените во здравствената заштита и во домовите за стари лица.
„Дајте свој придонес за запирање на вирусот и останете дома“, рече портпаролот Кацин во пораката на Твитер.
Специјалистот за инфективни болести Марио Фафангел од Националниот институт за јавно здравје (НИЈЗ) изјави дека поради промените во моделот на тестирање, тешко е да се зборува за опаѓачки тренд или раст на инфекцијата , но дека расте бројот на хоспитализации.
Шефот на владиниот експертски тим за ковид-19, Бојана Беовиќ, синоќа за Словенска телевизија изјави дека некои податоци даваат надеж дека воведените ригорозни мерки за спречување на епидемијата започнале да даваат резултати, но дека треба да се биде внимателен и дека тоа може да бидат „статистички осцилации“,а мерките сè уште мора да останат на сила и да ги применуваат сите.
„Предвидуваме дека усвоените ригорозни мерки ќе останат на сила околу еден месец, односно две возрасти на инкубација на вирусот“, рече Беовиќ, додавајќи дека после тоа, мерките што се однесуваат на образовниот процес ќе бидат олабавени.
