Радев: Да не се отстапи од заложбите за правата на сонародниците надвор од Бугарија
Новата влада не треба од отстапи од националните позиции, особено кога залог се бугарскиот идентитет и историја, како и правата на нашите сонародници зад границата, порача Румен Радев откако вечерва тој ја потврди новата победа на претседателските избори во Бугарија. Радев не ја спомена Македонија, но може да се толкува и како нова изјава која ги потврдува неговите стари позиции во однос на спорот кој Софија ѝ го наметна на Македонија, а кој резултираше со вето во ЕУ за почеток на пристапните преговори на нашата земја.Во наредните денови престојат преговори меѓу партиите за состав на нова бугарска Влада. Најмногу гласови на парламентарните избори освои новата партија Продолжуваме со промените.
Ве молиме следете не и стискајте лајк:
