Путин во самоизолација откако со коронавирус заболеа негови соработници
Russia President Vladimir Putin chairs a video meeting of the Pobeda (Victory) organising committee at the Novo-Ogaryovo state residence outside Moscow on July 2, 2020, as he thanked Russians today after a nationwide vote approved controversial constitutional reforms that allow him to extend his rule until 2036. (Photo by Alexei Druzhinin / Sputnik / AFP) (Photo by ALEXEI DRUZHININ/Sputnik/AFP via Getty Images)
Рускиот претседател Владимир Путин се самоизолираше откако неколку од неговите најблиски соработници биле позитивни на тестот на коронавирус.
Кремљ соопшти дека Путин бил целосно вакциниран со руската вакцина против коронавирус Спутник Ве.
„Владимир Путин соопшти дека поради идентификуваните случаи на коронавирус во неговото опкружување, тој мора да го почитува режимот на самоизолација одреден период“, се наведува во соопштението, но не беше соопштено колку ќе трае самоизолацијата.
Не е познато кои од блиските контакти на Путин се позитивни на ковид-19, но портпаролот на Кремљ Дмитри Песков изјави дека претседателот е „апсолутно здрав“ и дека „се разбира“ дека се тестирал и е негативен на болеста.
Путин вчера присуствуваше на неколку јавни настани, вклучително и средбата со сирискиот претседател Башар ал-Асад во Москва, како и со рускиот параолимписки тим. Тој исто така присуствуваше на воени вежби кои се спроведуваат заеднички со Белорусија.
