Протекоа нови снимки од клубот „Готик“: Што се случувало ноќта пред Матеј да исчезне? Сите ги мачи еден детаљ
Потрагата по него трае веќе месец и половина, а деловите од сложувалката за исчезнувањето на Матеј Периш, сè уште не се склопиле.
Момчето Матеј Периш (27) од Сплит, исчезна ноќта меѓу 30 и 31 декември во Белград, а последен пат бил виден во салата Бетон.
Потрагата по него трае веќе месец и половина, а случајот сè уште не е расветлен.
Токму поради мистеријата на овој случај, на социјалните мрежи со денови се појавуваат различни теории за тоа дали младото момче е живо или не, дали некаде се крие и каде, дали бегал од нешто…
Тој вечерта кога исчезнал, само неколку часа претходно бил забележан во познатиот белградски клуб „Готик“ на настап на српска пејачка.
На снимката јасно се гледа дека Матеј се забавува, а никој не се сомневал во тоа што ќе се случи понатаму.
Полицијата од технички причини не може да дојде до комуникацијата која ја имал Матеј во текот на вечерта.
Тоа пред сè, се однесува на комуникацијата која би можел да ја има по пат на разни апликации за разговор и допишување во текот на вечерта на исчезнувањето.
Кога телефонот би бил пронајден, тогаш полесно би се дошло до тие податоци.
Токму телефонот на Периш внесе забуна во случајот на истрагата за неговото исчезнување затоа што се поставува прашањето како е можно тој да имал сигнал два часа и половина откако Матеј последен пат бил виден, доколку се претпоставува дека бил во вода.
Произведувачот на мобилниот телефон истакнал дека тоа е невозможно. Се смета дека тој би можел да биде клучен во разрешувањето на мистеријата за исчезнувањето на Периш.
Таткото на Матеј, Ненад Периш, исто така изјавил дека и натаму го мачи прашањето околу тоа што се случувало со мобилниот телефон од неговиот син.
Изјавил дека Матеј имал нов мобилен телефон кој има можност да биде вклучен под вода до половина час.
