Поскапуваат горивата: Дизелот за денар и половина, бензините за денар
За еден денар се зголемува цената на бензините, а на дизелот и Екстра лесното масло за домаќинство за денар и пол, одлучи денеска Регулаторната комисија за енергетика.
Од полноќ во следните седум дена, Еуросупер БС-95 ќе се продава по цена од 76,5 денари, Еуросупер БС-98 по цена од 78,5 денари, а новата цена на дизелот и Екстра лесното масло за домаќинство ќе изнесува 69 денари за литар.
Малопродажната цена на Мазутот се зголемува за 1,103 денар/килограм и сега ќе изнесува 42,827 денари за килограм.
Новите повисоки цени на нафтените деривати се должат на зголемувањето на цените на светските берзи во изминатиот седумдневен период.
Ве молиме следете не и стискајте лајк:
