Песков: Путин не одби средба со Зеленски, го чека текстот на договорот
Russia President Vladimir Putin chairs a video meeting of the Pobeda (Victory) organising committee at the Novo-Ogaryovo state residence outside Moscow on July 2, 2020, as he thanked Russians today after a nationwide vote approved controversial constitutional reforms that allow him to extend his rule until 2036. (Photo by Alexei Druzhinin / Sputnik / AFP) (Photo by ALEXEI DRUZHININ/Sputnik/AFP via Getty Images)
Рускиот претседател Владимир Путин никогаш не одбил да се сретне со својот украински колега Володимир, но пред тоа е неопходно да се подготви нацрт-договор меѓу двете земји, изјави денеска портпаролот на Кремљ, Дмитриј Песков.
Тој истакна дека сѐ уште нема вести за тоа прашање.
„Веќе кажавме дека во принцип рускиот претседател никогаш не одбил таква средба, но пред да се одржи мора да се исполнат одредени услови, односно да се дополни текстот на документот“, рече Песков.
Претходно денеска, турскиот министер за надворешни работи, Мевлут Чавушоглу, изјави дека средбата на Путин со Зеленски не е далеку и дека сѐ зависи од согласноста и ставот на рускиот лидер.
Песков додаде дека рускиот претседател бил информиран за пожарот на крстосувачот „Москва“.
Коментирајќи ја најавата од Турција дека претседателот Реџеп Таип Ердоган ќе разговара со својот руски колега во наредните денови, Песков рече дека Кремљ ќе ја информира јавноста дали и кога ќе се одржи тој разговор.
