ОН: Израел не ги докажа наводните врски на персоналот на УНРВА со Хамас
epa11207283 Trucks carrying aid to Gaza residents cross from Rafah border to Deir Al Balah town, southern Gaza Strip, 08 March 2024. Since 07 October 2023, up to 1.9 million people, or more than 85 percent of the population, have been displaced throughout the Gaza Strip, some more than once, according to the United Nations Relief and Works Agency for Palestine Refugees in the Near East (UNRWA), which added that most civilians in Gaza are in 'desperate need of humanitarian assistance and protection'. The international community is combining efforts to increase humanitarian assistance to the residents of Gaza affected by the ongoing conflict. EPA-EFE/MOHAMMED SABER
Независна истражна комисија именувана од Обединетите нации објави извештај во кој се наведува дека „Израел сè уште нема пружено докази“ за своето тврдење дека бројни членови на персоналот на агенцијата на ОН за помош на палестинските бегалци (УНРВА) во Газа се припадници на Хамас, и на движењето Исламски џихад во Палестина, како и дека се вмешани во упадот на Хамас на Израелска територија на 7 октомври минатата година.Израел јавно ги објави тврдењата дека многу вработени во УНРВА се членови на терористички организации. Меѓутоа, Израел допрва треба да пружи докази за тоа да го потврди“, се наведува во извештајот.
Се наведува и дека УНРВА ги споделувала листите на својот персонал, со имиња и функции, со израелската влада од 2011 година, за Тел Авив да може да ја предупреди таа агенција за сè што потенцијално би ги дисквалификувало членовите на персоналот да добијат дипломатски имунитет.
Што значи дека израелската влада не ја известила УНРВА за каква било загриженост во врска со кој било вработен од листите од 2011 година, додека израелското министерство за внатрешни работи соопшти дека списоците немале идентификациски броеви на персоналот, што ги попречувало во проценката на податоците.
Реагирајќи на извештајот, портпаролот на израелската дипломатија Орен Марморштајн изјави дека повеќе од 2.135 работници на УНРВА се во Хамас или Исламски џихад во Палестина, додека наводно петтина од училишните администратори на УНРВА се во Хамас.
„Хамас толку длабоко се инфилтрирал во УНРВА што повеќе не е можно да се утврди каде УНРВА завршува, а Хамас почнува“, кажа тој, додавајќи дека извештајот „ја занемарува сериозноста на проблемот и нуди козметички решенија“.
Генералниот секретар на ОН Антонио Гутереш почна интерна истрага за наводната вмешаност на персоналот на УНРВА во нападот на 7 октомври, но и независна истрага фокусирана на пошироките прашања за ефектот, управувањето и неутралноста на УНРВА во Газа. Истрагата претставена во новиот извештај ја предводи поранешната француска министерка за надворешни работи Кетрин Колона.
