Нова европска пролет или долга руска зима
Европските лидери сметаат дека сè уште не е време да се стави крај на војната во Украина, дека Русија треба воено да биде поразена и затоа ќе продолжат да му доставуваат оружје и секаква друга поддршка на Киев. Ова е сублимираниот заклучок од неформалниот самит на неколку европски лидери и Канада во Лондон.Се наоѓаме на историска пресвртница, Европа мора да направи напорна работа за да обезбеди мир во Украина“, изјави британскиот премиер Кир Стармер, најавувајќи поширока коалиција на европски и земји-членки на НАТО кои се подготвени да и помогнат на Украина, без да прецизира кои земји.
На Европа и претстои тешка работа која според многумила или ќе предизвика европско будење и пролетва или уште подолга политичка и економска зима.
„Но, за да се поддржи мирот на нашиот континент и да се успее, тој мора да има силна поддршка од САД“, изјави британскиот премиер по Самитот на Украина во Лондон.
Стармер најави усвојување на договор со кој Украина ќе и обезбеди околу 2 милијарди долари за финансирање на фабрика во Велика Британија која ќе испорача повеќе од 5.000 ракети за противвоздушна одбрана.
Неколку европски земји ќе ги зголемат трошоците за одбрана, изјави генералниот секретар на НАТО Марк Руте, нагласувајќи дека на Украина и се потребни сеопфатни безбедносни гаранции.
Руте посочи дека вреди да се подготви Европа за момент на прекин на огнот во Украина но и мисија на НАТО „а одржување на мирот.
„Европа мора да ја зајакне својата одбрана“, рече Урсула фон дер Лајен по средбата, нагласувајќи дека „важно е да се подготвиме за најлошото“.
Таа му рече на американскиот претседател Трамп дека Европската унија е подготвена да ја брани демократијата со САД и принципот дека не е возможно да се нападне сосед или да се менуваат границите со сила.
„Во наш заеднички интерес е да ги спречиме идните војни“, рече Фон дер Лајен.
Но светските медиумски куќи забележуваат дека на самитот во Лондон кој се залага за поддржување на Украина во целите да се отргне рускиот агресор, покрај вооружувањето, се споменува и можноста за испраќање војници во Украина, а Британија наводно изразила подготвеност да испрати свој воен контингент во Украина.
Германскиот канцелар во заминување Олаф Шолц по самитот во Лондон изјави дека средбата е „скапоцена“ и послужи како можност да се потврди уште еднаш поддршката на Европа за Украина како „жртва на руската агресија“.
Тој рече дека е клучно Украина да биде во позиција да преговара за нејзината иднина, објави Гардијан.
Во меѓувреме полскиот премиер Доналд Туск се пожали дека 500 милиони Европејци не веруваат во сопствените сили да победат 140 милиони Руси и бараат заштита и помош од 300 милиони Американци.
Европска „коалиција на храбри“ наспроти „исплашениот“ Вашингтон
Сепак, сојузниците во новата „коалиција на храбрите“ низ Европа сè уште не постигнале општ договор што да прават со замрзнатите средства на Русија, но се вели дека сите се многу ентузијасти.
Италија се обиде да обезбеди сите „партнери на НАТО да продолжат да живеат во мир“. Односно да се работи во рамките на постоечките структури на Северноатлантската алијанса и да не се размислува за посебен безбедносен систем.
Французите понудија Европа да помогне во обновата на француските стратешки нуклеарни сили, кои потоа ќе бидат преименувани во паневропски. Сепак, овие инвестиции во нови ракетни системи може да се „измерат на терен“ само за десетина години.
Во меѓувреме, Зеленски, кој сè уште немаше време да се приспособи на европската временска зона по неговото бурно патување во Вашингтон, главно молчеше додека новите и старите сојузници даваа предлози како да му помогнат да ја продолжи војната, забележуваат регионалните медиуми во нивните анализи за средбата на европските лидери и Зеленски.
За Маск европскиот собир е обична изгубена партија на шах
Илон Маск го спореди самитот во Лондон со партија шах во која умираат сите пиони.
Американскиот милијардер истакна дека лидерите на Европската Унија и Зеленски „домаќини на фантастични вечери додека луѓето умираат во рововите“.
„Колку родители никогаш повеќе нема да ги видат своите синови? Колку деца никогаш нема да го видат својот татко?“ — поставуваше Маск реторички прашања на социјалната мрежа „Х“.
