Мицкоски: Новата Влада на ВМРО-ДПМНЕ ќе донесе економски бум
Економски бум најава опозицискиот лидер Христијан Мицкоски по средбата со бизнис секторот во Париз, Франција.
Опозицискиот лидер на социјалните мрежи пишува дека на средбата со претставниците на Француската стопанска комора посочил дека новата Влада којa ќе дојде по изборите ќе се фокусира на отворање на добро платени работни места и развој на модерни технолошки и енергетски проекти.
„На средбата стана збор за неколку конкретни проекти кои беа предмет на интерес на француските компании. Посочив дека следува период на промени во Македонија и воспоставување одржлив систем на владеење со правото кој ќе гарантира сигурност на бизнис заедницата. Наш интерес е Македонија да ја претвориме во технолошки тигар на Балканот, преку процес на реформи кои ќе донесат економски бум, новата влада ќе работи за економски прогрес на сите граѓани.“ – пишува Мицкоски на Facebook.
