Конте: Нема да дозволиме Франција и Германија да ни се потсмеваат
Италијанскиот премиер, Џузепе Конте, изјави дека Германија и Франција им се потсмеваат на Италија и на Европската Uнија со договорот меѓу овие две земји, чија цел е Германија да добие постојано место во Советот за безбедност на Обединетите нации, објави денеска италијанскиот весник „Кориере дела сера“, а пренесе агенцијата „Ројтерс“.
„Тие исклучиво размислуваат за сопствените национални интереси“, ја цитира весникот изјавата на Конте.
„Ројтерс“ потсетува дека лидерите на Франција и Германија во вторникот потпишаа нов договор, со порака дека приоритет на германско-француската дипломатија ќе биде тоа Германија да стане постојан член на Советот за безбедност на ОН.
„Сигурно нашите сојузници не веруваат дека ние ќе седиме и молчиме и ќе се залагаме за одлуки што други ги донеле“, рекол Конте
