Исплатени над 98 милиони денари субвенции за сите регистрирани земјоделци

Право за користење на овие средства имаат сите земјоделски стопанства кои се регистрирани земјоделци и кои земале субвенции по основните мерки од Програмата за финансиска поддршка во земјоделството за 2017 година. Овие корисници ќе добијат 20 % повисоки субвенции на вкупната исплатена сума по основни субвенции од 2017 година.

Агенцијата за финансиска поддршка во земјоделството и руралниот развој, како што најавуваат оттаму, и во наредниот период продолжува со неселективната исплата на средствата за субвенции. Средствата за субвенции, без селекција за сите кои исполнуваат услови за добивање на финансиска поддршка се исплаќаат во еден ден.