ТЕЛЕВИЗИЈА ЕДО

СЕКОГАШ СО ВАС

Жестоки борби со талибанците за стратешки важен град во Авганистан

Силни судири започнаа утрово меѓу авганистанската армија и талибанците во центарот на Кундуз, главниот град на провинцијата, рекоа локалните водачи и жители.

Жестоки судири, улица по улица, се случуваат во различни делови на градот. Безбедносните сили се повлекоа кон аеродромот”, изјавил за АФП членот на провинцискиот совет Амрудин Вали.

„Талибанците дојдоа на централниот плоштад во Кундуз, тие беа бомбардирани од воздух“, рече Абдул Азиз, жител на центарот на Кундуз.

„Во градот владее целосен хаос“, рече тој.

Талибанците во петокот и вчера ги освоија главните градови на две оддалечени провинции, Оринџ на југозапад и Шеберган на север.

Доколку успеат да го освојат Кундуз, тоа ќе биде победа без преседан и чекор кон враќање на власт.

Кундуз е главен трговски центар помеѓу Кабул, сместен на 300 километри на југ и државата Таџикистан, 50 километри на север.

Судирите меѓу авганистанските владини сили и Талибанците се интензивираат низ целата земја паралелно со повлекувањето на меѓународните сили предводени од САД по 20 години војна.

Талибанците окупирале огромни рурални области во последните три месеци, а цивилите избегале од некои области, создавајќи нова бегалска криза.

Сега овие бунтовници против меѓународно признатата влада се насочени кон нивната офанзива врз поголемите градови и досега опколиле неколку провинциски главни градови, вклучувајќи ги Кандахар и Херат, вториот и третиот по големина град во земјата.

Please follow and like us:
fb-share-icon
Copyright © Едо телевизија. | Newsphere by AF themes.