ТЕЛЕВИЗИЈА ЕДО

СЕКОГАШ СО ВАС

Епидемијата на коронавирусот има позитивен ефект врз животната средина

epa08186743 A handout photo made available by the Indonesian Foreign Ministry shows Indonesian nationals who were evacuated from Wuhan, China, being sprayed with antiseptic as they arrive at Hang Nadim Airport in Batam, Indonesia, 02 February 2020. The 245 evacuees were transported on Natuna, Riau Islands, shortly after landing. The virus originated in the Chinese city of Wuhan and has so far killed at least 304 people with over 14,000 infected, mostly in China. The Philippines reported on 02 February the death of a 44-year-old man who was diagnosed with the virus. It is the first confirmed death outside of China. EPA-EFE/INDONESIAN FOREIGN MINISTRY/HANDOUT HANDOUT, EDITORIAL USE ONLY, NO SALES HANDOUT EDITORIAL USE ONLY/NO SALES

Додека Кина се бори со една од најсериозните вирусни епидемии на овој век, влијанието врз енергетската побарувачка и емисиите на земјата допрва почнува да се чувствува.

Епидемијата на новиот коронавирус, која ја парализира кинеската економија, игра позитивна улога врз животната средина, бидејќи емисиите на јаглерод диоксид во Кина во последните две недели се намалени за најмалку 100 милиони кубни тони.

Ова е скоро шест проценти од глобалните емисии во споредба со истиот период минатата година. Ова се резултати од студијата објавена во средата од страна на финскиот Центар за истражување на енергијата и на чистиот воздух (КРЕА).

Брзото ширење на новиот коронавирус, кој уби повеќе од 2000 во Кина и зарази повеќе од 74.000 луѓе, резултираше со пад на побарувачката за јаглен и нафта и, како последица на тоа, пад на емисиите на јаглерод диоксид, се вели во студијата објавена на британската веб-страница Карбон бриф.

Побарувачката на електрична енергија и индустриското производство заостануваат далеку под нивните вообичаени нивоа во низа индикатори, од кои голем број се на најнизок двонеделен просек последниве неколку години. Ова ги вклучува: употребата на јаглен во електроенергетските станици, кои пријавуваат најниски дневни нивоа во последниве четири години; стапките на работа на нафтената рафинерија во провинцијата Шандонг се на најниско ниво од 2015 година; производството на главните челични производствени линии е на најниско ниво последниве пет години; нивоата на загадување на воздухот со азот диоксид над Кина се намалени за 36% во однос на истиот период минатата година, а домашните летови се намалени за 70% во однос на минатиот месец.

Според ова, мерките за спречување на ширењето на коронавирусот резултирале со намалување на производството од 15% до 40% во клучните индустриски сектори. Ова веројатно збришало една четвртина или повеќе од емисиите на јаглерод диоксид во земјата во текот на изминатите две недели, период кога по новогодишниот празник на Кинезите активностите обично ќе продолжеа.

Еколозите предупредуваат дека намалувањето е само привремено.

„Откако коронавирусот ќе стивне, веројатно ќе се соочиме со зголемено производство, кое ќе настојува да ги надомести загубите. Ова е, за жал, проверен терк“, рече Ли Шуо, советник за политика на кинескиот Гринпис

Please follow and like us:
Copyright © Едо телевизија. | Newsphere by AF themes.