ЕКСТРА АМЕРИКАНСКА ПОМОШ Е НА ПАТ ЗА ИЗРАЕЛ – Бајден на линија со Нетенјаху. БИЛАНСОТ НАДМИНА 700 ЗАГИНАТИ ИЗРАЕЛЦИ
Дополнителна американска помош е на пат за Израел, нагласил денеска американскиот претседател Џо Бајден во телефонски разговор со израелскиот премиер Бенјамин Нетанјаху .
„Претседателот Бајден го информираше премиерот за интензивниот дипломатски ангажман преземен од САД во последните 24 часа за поддршка на Израел“ . „Претседателот исто така ја пренесе таа дополнителна помош за израелските Одбранбени сили сега се на пат кон Израел со уште повеќе во наредните денови“.
Бајден уште еднаш изрази сочувство за исчезнатите, ранетите и убиените и разговараше за напорите да се осигура дека другите ривали на Израел не ја искористат ситуацијата, се нагласува во соопштенеито од Белата куќа.
Се очекува двајцата лидери да останат во контакт во наредните денови, јавија маериканските медиуми.
Бројот на израелски граѓани загинати од нападот на Хамас против еврејската држава надмина 700 луѓе, јавија израелски медиуми, повикувајќи се на здравствени власти. Досега во Израел се ранети повеќе од 2.100 луѓе.
Израелските сили продолжуваат да се борат со вооружените припадници на Хамас.
Во Појасот Газа, палестинска територија под контрола на Хамас од 2007 година, според локалните власти, загинале 370 Палестинци, а околу 2.000 се ранети.
Израелската армија распореди десетици илјади војници за да ја врати контролата врз јужните области во близина на Појасот Газа и да ги спаси преостанатите израелски заложници и да ги евакуира сите жители до утре наутро. Денеска беше објавено и дека Хамас држи повеќе од 100 заложници во Појасот Газа.
Во обид да ја вратат контролата по ненадејната офанзива во саботата наутро, среде еврејскиот празник Шабат, израелските сили денеска продолжија да го гонат „Хамас“ кој се инфилтрира во јужен Израел и изврши воздушни напади врз цели во Појасот Газа.
