Граѓаните со ниски примања со пониска сметка за струја до 800 денари
Граѓаните со ниски примања имаат можност од денеска да аплицираат за финансиска поддршка од државата за подмирување на сметките за електрична енергија. За оваа намена се предвидени 60 милиони денари од државната каса. За да може да аплицира, самец не треба да има нето месечни приходи поголеми од 15.200 денари, домаќинства со два члена 18 илјади денари, со три члена 21 илјада денари. За четиричлено семејство границата е до 25 илјади денари месечни приходи, а за домаќинства со пет или повеќе членови да не надминува 30 илјади. Граѓаните кои ќе ги исполнат условите ќе имаат намалена сметка за струја од 600 до 800 денари месечно.
Ве молиме следете не и стискајте лајк:
