ТЕЛЕВИЗИЈА ЕДО

СЕКОГАШ СО ВАС

Георгиевска :Со Буџетот за 2021 година,обезбедуваме над 115 милиони евра поддршка за компаниитe

Предлог Буџетот за 2021 година утре влегува во собраниска процедура, рече на прес-конференција, Марија Георгиевска, пратеничка на СДСМ.

Буџетот за 2021 година има три значајни цели:

Да обезбеди поддршка и унапредување на здравствениот сектор, пред се заштита на здравјето и на животот на сите граѓани;

Да го поддржи економското заздравување, односно да се помогнат сите оние микро, мали, средни и големи компании, кои имаат потреба од помош во справувањето со последиците од пандемијата

И трето, да се одржат и унапредат основните функции на државатта и да овозможиме ефикасно спроведување на потребните реформи.

Буџетот за 2021 година ја потврдува заложбата на Владата предводена од СДСМ и премиерот Зоран Заев за силна поддршка на стопанството, преку спас на работните места, поддршка на конкурентноста на компаниите, како и раст на платите.

За таа цел Буџетот за 2021 година преку неколку програми обезбедува поддршка во вкупна вредност од 7,1 милијарда денари или 115,5 милиони евра.

Од овие средства 1,9 милијарди денари ќе се насочат за поддршка за формирање на нови компании, преку самовработување и вработување на други невработени лица, но и обуки за невработените.

И во следната, 2021 година продолжуваме со спроведување на мерките од Планот за економски раст, односно поддршка на компаниите преку Законот за финансиска поддршка на инвестиции и Програмата за поддршка на микро, мали и средни компании на Фондот за иновации и технолошки развој. За оваа цел, од Буџетот наменети се над 2,5 милијарди денари или околу 41,1 милиони евра.

Овие средства ќе бидат ставени на располафање за инвестиции во изградба на хали и набавка на машини на домашни и странски компании во Технолошко-индустриските развојни зони, но и за компании надвор од нив.

Од овие над 41 милион евра, околу 11,4 милиони ќе бидат наменети за програмите на Фондот за иновации и технолошки развој, а дополнителни 2 милиони евра ќе бидат обезбедени со поддршка на Светска банка.

Тоа значи дека продолжуваме со поддршката на микро, малите и средни компании.

Буџетот за 2021 година носи конкретна помош за стопанството и решенија за здравствените и економските последици од коронавирусот.

Како партија предводник на парламентарното мнозинство го повикуваме сите пратеници низ отворена, конструктивна дебата во Собранието, да дадат поддршка и да гласаат за усвојување на Буџетот.

И во следната 2021 година, грижата за сите продолжува уште повеќе и уште подобро.

Please follow and like us:
Copyright © Едо телевизија. | Newsphere by AF themes.