ТЕЛЕВИЗИЈА ЕДО

СЕКОГАШ СО ВАС

Во Грција потврден случај на јужноафриканскиот вид на Ковид-19

Во Грција е потврден прв случај на јужноафриканскиот сој на Ковид-19, по што грчкиот заменик министер за цивилна заштита Никос Хардељас и претседателот на Националната организација за јавно здравје Аркуменс, итно заминале во градот Солун, каде е открен случајот, јавува МИА.

Секретаријатот на цивилната заштита на Грција соопшти дека по состанок кој денеска бил одржан со епидемиолозите во земјата, било одлучено Хардељас и Аркуменс да заминат за Солун и да ја оценат ситуацијата.

Ова е прв потврден случај на јужноафриканскиот вид на коронавирусот, откако во земјата има вкупно 66 случаи на британската мутација, според податоците објавени минатата недела од Националната организација за јавно здравје.

Please follow and like us:
Copyright © Едо телевизија. | Newsphere by AF themes.