Владата се уште не го објавува списокот на компаниите кои не исплатиле дел од минималецот
Компанијата во која што работам доби по 14.500 денари за работник субвенција од државата за исплата на плата, а нас ни префрли по 7.000 денари на сметка.“- Вакви пораки од оштетени работници, кои не ја добиле во целост државната помош за исплата на плати, стигнуваат секојдневно до Телма. Работниците не сакаат јавно да зборуваат бидејќи се плашат за своите работни места. Велат и така сме преполовени од претходно, ако зборуваме со сигурност ќе ја изгубиме работата.
Државата, поради корона кризата, за пет месеци од годинава им помогна на работодавачите да исплатат минималец за своите вработени. Но откри злоупотреби, кои постојано се повторуваат. До сега објави неколку листи со имиња на компании кои ја злоупотребиле целата државна помош. Испрати и стотици кривични пријави до Обвинителството, за кои се уште се води предистрага. Но иако најави дека јавно ќе објавува и список со газди кои задржале дел од минималецот, тоа до сега не се случи. Од УЈП велат тие списоци ги доставуваат до трудовите инспектори.
НИЕ СМЕ ВО ПОСТОЈАНА КОМУНИКАЦИЈА НА ДНЕВНО НИВО БИДЕЈЌИ КОНТРОЛИРАМЕ ЗАЕДНИЧКИ КОМПАНИИ КОИ ИМААТ НАПРАВЕНО ЗЛОУПОТРЕБА, А ИСТО ТАКА ОТВОРЕНИ СЕ НАЛОЗИ ЗА КОНТРОЛИ КАЈ ОДРЕДЕНА ЦЕЛНА ГРУПА НА КОМПАНИИ ЗА КОИ ШТО ИМАМЕ ДОЈАВА ДЕКА ИМААТ ИСПЛАТЕНО ПОД МИНИМАЛНАТА ПЛАТА ИЛИ ПАК ЦЕЛАТА ТАА МИНИМАЛНА ПЛАТА ЈА ИМААТ ЗЕМЕНО ОД РАБОТНИЦИТЕ– ВЕЛИ ДИРЕКТОРКАТА НА УЈП САЊА ЛУКАРЕВСКА.
Лукаревска апелира работниците да се охрабрат и да пријават. Вели добиваат огромен број анонимни пријави, но во нив немаат доволно факти и аргументи кои можат да им помогнат на инспекторите.
СЕПАК ВО ДЕЛОТ НА ЗЛОУПОТРЕБИТЕ КОИ ШТО ГИ ИМА НА ОНИЕ КОМПАНИИ КОИ ШТО ЗЕМАЛЕ А НЕ ИСПЛАТИЛЕ ДРЖАВНА ПОМОШ БРОЈКАТА Е МНОГУ ПОГОЛЕМА ВО СПОРЕДБА СО ОНИЕ КОМПАНИИ КОИ ШТО ИМААТ НАПРАВЕНО ИСПЛАТА ПОД МИНИМАЛНА ПЛАТА, ЗОШТО ТУКА МОЖЕ ДА СТАНУВА ЗБОР ЗА ОДРЕДЕН ВИД НА ЗАДРШКИ КОИ ШТО СЕ ЈАВУВААТ ВО РАМКИТЕ НА ЗАКОНОТ И ДЕЛ ОД НИВ ДА ПРАВАТ И КОРЕКЦИИ МПИН ДЕКЛАРАЦИИТЕ. МЕЃУТОА ДЕКА ИМА ЗЛОУПОТРЕБИ ВРЗ ОСНОВА НА ТОА ШТО И ЈАВНОСТА МНОГУПАТИ ЗНАЕ И ДА АЛАРМИРА И ДО НАС И ДО ДРУГИ НАДЛЕЖНИ ИНСТИТУЦИИ, ОЧИГЛЕДНО ДЕКА И ТАМУ ТРЕБА ПОВЕЌЕ ДА ПОРАБОТИМЕ ВО КОНТРОЛИРАЊЕТО И ВО ДЕТЕКТИРАЊЕТО НА ТИЕ НЕПРАВИЛНОСТИ, ОДНОСНО ЗЛОУПОТРЕБИ.- ВЕЛИ ЛУКАРЕВСКА.
Иако синдикатите бараа државната помош да се исплатува директно на сметките на работниците, сепак и покрај злоупотребите од работодавачите, за тоа се уште не се размислува.
УЈП вчера објави дека 245 фирми ја злоупотребиле државната помош и уште не ја исплатиле ноемвриската плата на близу 800 вработени. Листата со нивните имиња ќе биде објавен утре. Злоупотреби имаше и со државната помош за октомври. А 124 компании се уште не исплатиле плата за април, мај и јуни.
И покрај јавното објавување, присилната наплат,а кривичните пријави до Обвинителство , сепак е неизвесно дали и колку од до сега оштетените работниците ќе ги добијат своите плати или пак делот кој газдата го добил од државата, но им го скратил.
