Виена ги обвинува Балканциите за „увоз на ковид“, повеќето од заразените се од БиХ и Србија
Голем број граѓани по потекло од Балканот, но и многу Австријци, „уморни“ од тешките епидемиолошки мерки и карантинот, отпатуваа во странство за време на зимскиот училишен распуст и божиќните празници
Според официјалните податоци на австриското Министерство за внатрешни работи, во првата недела од јануари се регистрирани голем број заразени со коронавирус кај туристите, особено од Балканот.
Најмногу заразени се „увезени“ од Босна, со 1 611 во првата недела од јануари и 822 во втората недела. Потоа следи Србија со 959 во првата недела од јануари, а 540 во втората. На трето место е Унгарија со 748, односно 121 случај.
За значителен драматичен пораст на бројот на заразени во Австрија придонесоа повратниците од Турција со 147, односно 403 случаи, потоа Романија со 161 и 295 и Хрватска со 180 и 579 случаи, велат од Министерството.
Голем број граѓани, по потекло од Балканот, но и многу Австријци, „уморни“ од тешките епидемиолошки мерки и карантинот, отпатуваа во странство за време на зимскиот училиштен распуст и божиќните празници.
И претходно, австриските власти ги обвинија лицата од Балканот за „увоз“ на ковид во земјата, минатото лето. За споредба, во 52-та календарска недела од минатата година, 1 771 заразени со коронавирусот се поврзани со враќањето од годишен одмор, а во првата недела од јануари тој број се зголеми на 4 917.
Во втората недела од јануари тој број остана на високо ниво со 4 278 случаи на заразени.
Со новите ковид-правила австриската Влада сака да дејствува против таквиот развој на настаните.
Така, од 1 февруари ќе стапи на сила одлуката за скратување на важноста на „зелениот пасош“ со што тие за вакцинираните со две дози, или прележани со една доза вакцина, ќе важи уште 180 дена.
За оние кои ја примиле и засилувачката доза, односно се прележани со две дози од вакцината, важноста на „зелениот пасош“ останува 270 дена.
Оние кои ја примиле третата доза од вакцината, односно прележале и се со две дози од вакцината, од понеделник можат да влезат во Австрија без дополнителни испитувања.
За другите, односно вакцинирани со две дози, или излекувани, се применува правилото „2Г плус“, односно потребен е дополнителен ПЦР-тест за да не мора да бидат ставени во карантин.
