Битиќи: Минималната плата се уште не e достоинствена
Минималната плата се уште не е достоинствена. Ќе работиме уште за да ја зголемиме на 18.000 денари, изјави заменик претседателот на Владата задолжен за економски прашања, Фатмир Битиќи, пред почетокот на панел дискусијата „Креативни пристапи и стратегии при креирање на програми за вработување на млади“ што се одржа денеска во Скопје.
– Само пред три години минималната плате беше 8.500 денари во одредени сектори, додека 9.000 во сите сектори. Денеска е 15.140 денари. Тоа е политичка волја – истакна Битиќи.
Запрашан за барањето на Синдикатите за минимална плата од 60 отсто од просечната, односно минималецот да биде 16.900 денари, Битиќи одговори дека власта предендира да биде и повисока од 60 отсто.
-Јас претендира, минималната плата да биде повиска, но кога економијата и сите ние ќе бидеме продуктивни и ефикасни. За да може економијата да креира раст, за тоа да го дозволи. Ние бевме на 40 отсто на минималната плата од просечната, достигнавме на 53,4 отсто. Во овој момент тоа е просекот. Да, стремиме кон 60 отсто, но тоа се прави постепено. И тоа ќе го постигнеме во еден даден момент- истакна Битиќи.
Во Владината програма 2020-2024 пишува дека минималната плата ќе изнесува 18.000 денари, додека просечната 36.000 денари. Според официјалните податоци, во Македонија 10 отсто од вкупниот број на вработени примаат минимална плата.
