Бензините од утре поскапуваат за 2,5 односно 3 денари
Според најновата пресметка на регулаторната комисија, цените на бензините значително ќе се зголемат од вечерва на полноќ.
Имено, бензините од утре поскапуваат за 2,5, односно 3 денари. Според новиот ценовник, од утре за литар еуросупер БС-95 корисниците ќе плаќаат по 2,5 денари, а за еуросупер БС-98 по 3 денари повеќе во однос на досегашните цени, односно новата цена ќе изнесува по 68,5 денари за литар и 70,5 денари за литар, соодветно.
Малопродажните цени на дизелот еуродизел (Д-Е V) и на Екстра лесното масло за домаќинство (ЕЛ-1), се зголемуваат за 0,5 денари. Новата цена на еуродизел (Д-Е V) изнесува 61 денар за литар, додека на екстра лесното масло за домаќинство (ЕЛ-1) изнесува 49,5 денари за литар.
Малопродажната цена на мазутот М-1 НС се зголемува за 0,677 денари по килограм и ќе изнесува 33,375 денари.
