Белата куќа загрижена за состојбата на Трамп, тој вели: „Мислам дека оди на добро, ве сакам“
Mandatory Credit: Photo by Jacquelyn Martin/AP/REX/Shutterstock (10144004f) President Donald Trump speaks during a meeting with former U.S. hostage in Yemen, Danny Burch, in the Oval Office of the White House in Washington Trump, Washington, USA - 06 Mar 2019
Белата куќа е многу загрижена за здравствената состојба на претседателот на САД, Доналд Трамп, пренесуваат американските медиуми, а претседателот се огласи на „Твитер“.
Еден од советниците на Трамп изјавил дека постои причина зошто состојбата на претседателот е загрижувачка, наведе новинарот на Си-Ен-Ен, Џим Акоста.
Од друга страна, Трамп вели дека е на добар пат да задраве.
„Мислам дека оди на добро. Ви благодарам на сите. Ве сакам”, напиша Трамп.
Извор за Си-Ен-Ен вели дека Трамп е многу уморен и оти има проблеми со дишењето. Официјален претставник на Белата куќа, пак, изјавил дека Трамп е уморен, но неговата состојба не се влошува и тој ја сфаќа многу сериозно.
Претседателот беше префрлен синоќа во Националниот воено-медицински центар „Валтер Рид“. Трамп, кој е заразен со коронавирус, ќе работи од таму во следните неколку дена, се вели во соопштението на Белата куќа.
Претходно беше пријавено дека има температура и кашлица.
