Ана Брнабиќ – континуитет на Александар Вучиќ
Нов мандатар за состав на влада во Србија ќе биде Ана Брнабиќ. Влада на континуитет и нови лица, велат од владејачката партија. Но, и влада на континуитет на Вучиќ и неговиот начин на владеење, укажуваат аналитичари.
Забавениот процес на формирање српска влада е чекор поблиску до завршување откако претседателот на Србија и СНС на Александар Вучиќ соопштија дека ново-стар мандатар ќе биде досегашната премиерка Ана Брнабиќ. Претседатеството на Српската напредна партија (СНС) едногласно го прифатило предлогот. Се очекува дека доверба при составот на новата влада, како и за функции во јавните претпријатија, ќе им биде укажана на нови млади лица. Соопштено е дека на овој состанок не се зборувало околу конкретни имиња на идните министри.
СНС најавува дека најверојатно идната недела ќе биде одржана уште една седница на претседателството на партијата, по што новиот мандатар би требало да соопшти и конкретни кадровски решенија во новата влада. Александар Вучиќ на ново-старата мандатарка ѝ предложил и две нови министерства, Министерство за човекови права, полова рамноправност и општествен дијалог и Министерство за грижа за семејството, децата и демографијата, како и тоа во новата влада ако е можно 50 проценти да бидат жени.
