Американската војска достави помош на границата со Венецуела

FILE PHOTO - A worker organises humanitarian aid for Venezuela at a warehouse near the Tienditas cross-border bridge between Colombia and Venezuela in Cucuta, Colombia February 14, 2019. REUTERS/Edgard Garrido
Американската војска достави повеќе тони хуманитарна помош во колумбискиот град Кукута на границата со Венецуела.
Помошта би требало да ја дистрибуираат приврзаниците на опозицискиот лидер Хуан Гуаидо, кого САД го признаа за привремен претседател на Венецуела. Помошта од 180 тони опфаќа храна, средства за хигиена и други производи наменети за повеќе од 25.000 луѓе.
– Ова не е прва, ниту последна помош, изјави претставникот на УСАИД, Марк Грин во Кукута за време на доставувањето на помошта во пограничниот град, кој е преполн со мигранти од Венецуела.
Претходните испораки на помош се доставени со комерцијални летови.
Николас Мадуро ја одбива американската помош и со поддршка на војската го спречува нејзиното доставување во Венецуела.