ТЕЛЕВИЗИЈА ЕДО

СЕКОГАШ СО ВАС

Чавушоглу во Косово: Турција го поддржува евроатлантскиот пат на Приштина

На заедничката конференција со косовскиот министер за надворешни работи и дијаспора, Доник Гервал, тој рече дека Турција, исто така, го поддржува територијалниот интегритет и суверенитет на Косово.

„Со г-ѓа Доника разговаравме за натамошниот развој на нашите билатерални врски. Разговаравме и за регионалниот развој и нивното влијание врз Косово и Турција“, рече тој.

Нагласи дека Турција го поддржува дијалогот меѓу Косово и Србија и дека договор треба да се постигне преку дипломатски канали.

„Дијалогот е неопходен за да се постигне стабилност во регионот“, рече Чавушоглу.

Турскиот министер за надворешни работи додаде дека постоењето на организацијата ФЕТО, која Турција ја смета за терористичка во Косово е најголемата пречка во односите меѓу Турција и Косово.

„Стратегијата што оваа организација ја направи кај нас се спроведува и во Косово. Се обидуваат да ги трујат младите и да инвестираат во медиумите, а од друга страна се обидуваат да се инфилтрираат во институциите. Тоа за нас е вознемирувачко, бидејќи знаеме дека се опасни за иднината“, рече Чавушоглу.

Турскиот министер за надворешни работи на одвоени средби беше примен од косовската претседателка Вјоса Османи и премиерот Албин Курти.

Please follow and like us:
fb-share-icon
Copyright © Едо телевизија. | Newsphere by AF themes.