ТЕЛЕВИЗИЈА ЕДО

СЕКОГАШ СО ВАС

Три лица убиени, а две тешко повредени во ресторан во Висконсин

Три лица се убиени синоќа, а две се тешко повредени откако лице отвори оган кон присутните во мал ресторан во американската сојузна држава Висконсин, соопштија властите. Во инцидентот повеќе лица се здобиле со полесни повреди.

Осомничениот за нападот во таверната во селото Сомерс во областа Кеноша сè уште не е уапсен. Властите веруваат дека нападот е „изолиран инцидент” и дека граѓаните не се во опасност. Се претпоставува дека напаѓачот ги познавал жртвите, но засега не се знае дали тие го познавале него.

Полицијата сè уште го утврдува идентитетот на загинатите.

Вечерашниот инцидент е последен во низата слични напади во САД, меѓу кои и убиството на осум лица во магацин на компанијата Федекс во Индијанаполис во четвртокот.Во март, четири лица беа убиени во канцелари во Калифорнија, во Џорџија, осум лица беа убиени во салони за масажа, додека во сојузната држава Колорадо десет лица беа убиени во вооружен напад во продавница.

Ве молиме следете не и стиснете лајк
Copyright © Едо телевизија. | Newsphere by AF themes.