ТЕЛЕВИЗИЈА ЕДО

СЕКОГАШ СО ВАС

Се предлага пократок полициски час и продолжена работа на угостителските објекти

Кризниот штаб предлага од среда полицискиот час да трае од 23 до 5 часот, а угостителските објекти да работат до 22:30 часот.

Полицискиот час во С. Македонија да трае од 23 часот до 5 часот наредниот ден, а времето за работа на угостителските објекти со гости само во отворениот дел – летни тераси и градини – да биде до 22:30 часот, ѝ предлага на Владата, Главниот координативен кризен штаб. Предлогот е направен врз основа на предлозите на Министерството за здравство.

Предлог-мерките на Министерството за здравство ќе се разгледуваат на следната владина седница и доколку се усвојат, би биле со важност од 5 мај 2021 година (среда).

Во моментов полицискиот час почнува во 21 часот и трае до 5 часот изутрина, додека терасите на угостителските објекти работат до 20:30 часот.

Во земјата почнува да се намалува притисокот врз болниците, а целосно менување на епидемиолошката состојба се очекува до почетокот на летото, кога би требало да има висок процент на имунизирано население.

Ве молиме следете не и стиснете лајк
Copyright © Едо телевизија. | Newsphere by AF themes.