Поддршката за плати ќе биде скалеста од 14.500 до 21.767 денари
Министерот за економија Крешник Бектеши потврди дека ќе продолжи мерката за финансиска поддршка на плати за вработените во приватниот сектор со претходните механизми.
-Поддршката за плати ќе биде скалеста од 14.500 до 21.767 денари, но секако ќе има поддршка и за медиумите, тутунарите, директна поддршка за сите граѓани, а посебно за тие категории на граѓани кои повеќе имаат потреба и имаат пониски примања, изјави Бектеши.
Министерот истакна дека ќе се даваат ваучери за туризам од 15 илјади денари и оти директно ќе бидат поддржани хотелите кои не се во туристички дестинации и немале можност да бидат поддржани со ваучер системот.
Ве молиме следете не и стискајте лајк:
