Опозицијата обвинува дека со европското знаменце се прекршени сите процедури
Кривични пријави и жестока дебата се најавуваат во пресрет на утрешната седница на која ќе се разгледуваат новите закони со европско знаменце, поврзани со договорот со „Бехтел&Енка“. Од опозициската ВМРО-ДПМНЕ нема да поднесат многу амандмани, затоа што ова знаменце дозволува дебата само два дена. Но, укажуваат дека се прекршени сите можни процедури.
Од опозициската партија иронизираат дека, доколку продолжи ова вака, треба да се укинат сите собраниски комисии и да остане само комисијата за Европски прашања, која би решавала за се.
СДСМ, пак, очекуваат разбирање од ЕУ, кои реагираа на злоупотребата на европското знаменце и за оваа, според нив, историска одлука. Главниот аргумент ќе им биде дека се работи за европски коридор.
Спорните закони се ставени веќе утре на дневен ред, само два дена откако пристигнаа од владата во собранието, без да се чека законскиот рок од 10 дена за да бидат ставени на седница.
