Нови 89 случаи и ниту едно починато лице од ковид-19 во последните 24 часа
Согласно податоците од Институтот за јавно здравје (ИЈЗ), во последните 24 часа направени се 1.649 тестови од кои се регистрирани 89 нови случаи со ковид-19, додека оздравеле 55 пациенти. Во текот на изминатото деноноќие не се регистрирани починати лица, соопшти Министерството за здравство (МЗ).
Најголем дел од 89-те новозаболени лица (15 реинфекции) се регистрирани во Скопје – 46, потоа во Битола – 14, во Прилеп – 11, во Тетово, во Струмица и во Неготино – по 3, во Кавадарци и во Охрид – по 2, во Куманово, во Гевгелија, во Штип, во Струга и во Кичево – по 1.
Досега во земјата се направени вкупно 1.996.485 милиони тестирања за ковид-19. Вкупниот број на ковид-дијагностицирани лица во земјава од почетокот на епидемијата изнесува 308.605, бројот на оздравени пациенти е 298.306, на починати е 9.261, а на активни случаи изнесува 1.038.
