Нови собири на граѓани во Звечан, КФОР постави бодликава жица

Српско знаме долго речиси 300 метри ја прекри улицата во Звечан, денеска мирно на Косово. Граѓаните се собраа пред општината а КФОР постави и бодликава жица. Дел од вработените во општината од утрово почнале со работа.
Поранешниот претседател на Советот на општина Звечан, Срѓан Милосављевиќ, на граѓаните им порача дека ова е мирен протест.
„Ова утро е многу напнато. Дел од вработените во општина Звечан почнаа на работа. Голем број граѓани се собраа, но КФОР од утрово го блокираше патот до општината.“ – izjavi Дејан Недељковиќ aктивист.
Косовскиот премиер Албин Курти рече дека припадниците на специјалната полиција нема да се повлечат од општинските згради на северот на Косово. Според него решението за кризата е или толпата да се врати во Србија или да заврши во косовските затвори. Вели власта кај нас се добива само преку избори.
„Косово е најдемократска земја од Западен Балкан. Протест кој е насочен кон полицијата која го одржува редот и мирот, припадниците на КФОР кои го чуваат мирот и стабилноста и новинарите кои се на терен да известуваат за случувањата, не е протест за општината туку за власт. Власта во Косово може да се добие само со избори. Не насилство и злосторство.“ – изјави Курти.
Припадници на КФОР, покрај општинска зграда во Звечан, има и во Лепосавиќ и Зубин Поток. Во меѓувреме опозицијата во Косово побара оставка од Курти и итно свикување на Советот за безбедност. Специјалниот претставник на ЕУ за дијалогот меѓу Белград и Приштина, Мирослав Лајчак, денеска оцени дека настаните на северот од Косово се апсолутно непотребна и нелогична ескалација нагласувајќи дека е можно само политичко решение преку постојниот дијалог.