ТЕЛЕВИЗИЈА ЕДО

СЕКОГАШ СО ВАС

Новини во законот за возила! Субвенции за нов автомобил.., поврат на средства за плински уреди…

epa07484453 (FILE) - Volkswagen cars for export wait for shipping at the port in Emden, Germany, 09 March 2018 (reissued 04 April 2019). Reports on 04 April 2019 state leading German economic institutes have cut their 2019 forecast of German economic growth from previous estimate 1.9 per cent to 0.8 per cent. In February 2019 the industrial orders from abroad fell six per cent, while orders from Germany fell 1.6 per cent. At the same time, the overall forecast of 1.8 per cent growth for 2020 remained intact. EPA-EFE/DAVID HECKER

До три илјади евра граѓаните ќе може да добијат субвенции од државата при купување на ново патничко моторно возило, но само по принципот „старо за ново“. А поврат на средства ќе се вршат и за вградување на плински уред во автомобилите и тоа до 50 отсто од сумата која ја потрошиле граѓаните, но не повеќе од 300 евра. Ова се дел од измените на Законот за возила. Не беше кажано од кога ќе стартуваат овие мерки, но ако има пари од ребалансот, ќе стартуваат оваа есен, а ако не, од другата година.

„Првата мерка е мерка за субвенционирање на трошоци за вградување на уред за погон на алтернатвно гориво на постоечките возила. Со оваа мерка ќе се субвенционираат над 1.200 граѓани. Втората мерка е мерката за субвенционирање на купување на нови возила со одјава на старото возило“, рече министерот за економија, Крешник Бектеши.

Во новиот Закон за возила предвидено е и воведување на жолти таблички за таксистите. На тој начин ќе се избегнат несовесните таксисти, оние кои работат на црно, а со тоа ќе се зголеми сигурноста и безбедноста на корисниците на такси превозот, велат надлежните. Дополнително, измените предвидуваат и еколошки мерки. Посебни служби ќе определуваат кој автомобил каква налепница ќе добие, во зависност од еко стандардите кои ги поседува.

Налепниците ќе се издаваат во општините, ќе бидат жолти, црвени или зелени. Министерот вели дека налепниците  не се задолжителни. Но, доколку во деновите кога е енормно загадувањето на воздухот, а властите воведат сообраќаен режим, а на возилото нема никаква налепница, тој автомобил мора да остане паркиран. Во спротивно следува парична казна која допрва ќе се определува.

Please follow and like us:
fb-share-icon
Copyright © Едо телевизија. | Newsphere by AF themes.