ТЕЛЕВИЗИЈА ЕДО

СЕКОГАШ СО ВАС

Најголемиот и најлуксузен во SUV гамата на баварскиот производител, X7 доаѓа една година по претставувањето на концептот. Споредбено, сериската верзија надворешно не се разликува премногу од концептот

Замислен како седмосед, X7 е навистина огромен автомобил. Теренецот е долг 5.151, широк 2.000 и висок 1.805 милиметри. Со меѓуоскино растојание од 3.105 милиметри, јасно е дека патниците нема да имаат проблем да влезат во џиновскиот SUV.

Ако корисникот се одлучи за употреба на сите седум седишта, тие се наредени во конфигурација 2-3-2, но опционално X7 ќе може да се добие и во конфигурација со шест места за патници. Кога се користат сите седум седишта, волуменот на багажникот е 326 литри, а оваа бројка може да се зголеми до максимум 2.120 литри, во зависност од конфигурацијата на седиштата.

Како стандард, доаѓа изобилство на Vernasco кожа, четири-зонска клима и панорамски покрив во три дела. Опционално достапна е пет-зонска клима и целосно стаклен покрив.

Моторната гама ќе се состои од само четири погонски мотори, од кои три се наменети за купувачите во Европа. На стариот континент X7 ќе доаѓа во верзии: xDrive40i со 340 КС, xDrive30d со 265 КС, како и xDrive50d со 400 КС. Клиентите во САД ќе имаат можност да купат и xDrive50i, што значи 4.4-литарски V8 мотор кој развива 462 КС.

Сите агрегати ќе бидат спарени со осум-брзински ZF автоматски менувач, а погонот на двете оски е стандард за сите верзии.
МЕГА ГАЛЕРИЈА

BMW не ги објави цените за новиот X7, но се верува дека ќе биде малку поскап од сегашната Серија 7. BMW X7 ќе се произведува во Спартанбург, САД.

Ве молиме следете не и стискајте лајк:
error
fb-share-icon

Можеби сте пропуштиле

Британската и македонската Влада денеска во Лондон го потпишаа договорот за соработка. На договорот се потпишаа британскиот министер за извоз Гарет Томас и вицепремиерот и министер за транспорт и врски Александар Николоски, свеченото потпишување се одржа во историската зграда на Стариот Адмиралитет во Лондон. Со потпишувањето на овој документ, на Македонија ѝ се ставаат на располагање 5 милијарди фунти (6 милијарди евра) за финансирање на капитални проекти во повеќе стратешки сектори. „Стратешкото партнерство со Обединетото Кралство, го гледаме како нешто што ќе ја доведе Македонија до едно ново ниво. Денес потпишуваме Договор Влада со Влада за развојни-инфраструктурни проекти во клучни сектори, како што се: транспорт, образование, животна средина, информатичка технологија, како и други сектори кои што ќе ги развиваме, тука е здравството, но и образованието и ќе продолжиме да соработуваме во претстојниот период. Навистина сме благодарни што Обединетото Кралство, со својот Инструмент за поддршка на надворешно финансирање, постави рамка од 5 милијарди фунти, што е најголемиот договор што Македонија го потпишала во својата историја во однос на економијата. Навистина сме благодарни за тоа и ова го гледаме како одлична можност за целата држава да се развива. Веќе имаме три проекти кои што се подготвени. Тоа е проектот за брзата железница на Коридорот 10, здравствениот проект за болници и секако проектот за образование, за Медицинскиот факултет, а во претстојниот период ќе бараме нови проекти во секторите за енергетика и животна средина, но и други проекти секако“, изјави Николоски по потпишувањето. Министерот за извоз Томас рече дека ова партнерство „отвора ново поглавје во нашите билатерални односи со Северна Македонија“. „Велика Британија има богато искуство во испораката на висококвалитетна инфраструктура низ целиот свет и среќен сум што го започнувам ова ново партнерство што ќе им помогне на повеќе британски бизниси да извезуваат во Северна Македонија“, рече Томас. Од шесте милијарди евра финансиска рамка со Обединетото Кралство во првиот циклус од пет години ќе се повлечат околу 2,2 милијарди евра, изјави министерката за финансии, Гордана Димитриеска-Кочоска во емисијата „360 степени“. „Две милијарди на пет години се по 400 милиони евра. Толку е годишното зголемување на јавниот долг по однос на овие инвестиции кои, од друга страна, ќе придонесат за раст на економијата. Никаде не пишува дека имаме задолжително повлекување на петте милијарди, а британската Влада гарантира дека Македонија кога ќе ги земе кредитите, ќе ги врати“, рече Димитриеска-Кочоска. Министерката рече дека таа не може да даде повеќе детали за парите, висината на каматата и се останато, се додека не добие готов проект на маса. „Ќе мора да седнеме и со министерот за транспорт да се разговара да каже кои се проектите и потоа ние како Министерство за финансии, покрај што ќе добиеме понуда од банката по процедурите од финансии, ќе си побараме понуда и од други меѓународни институции, затоа што тоа го налага законот. Така што, во овој момент не би можела да зборувам повеќе детали затоа што немам зрел проект пуштен во Финансии, врз основа на кој ќе барам понуда од повеќе банки и ќе излезам да кажам колку е точно каматата би било несериозно. Она што го знам и го имам како информација, се разговара за клинички во Штип, болница во Кичево и онаа брза пруга“, рече министерката Димитриеска-Кочоска.

Copyright © Едо телевизија. | Newsphere by AF themes.