ТЕЛЕВИЗИЈА ЕДО

СЕКОГАШ СО ВАС

Катица Јанева попушти со нервите на судењето за “Рекет”

Катица Јанева смирено ја дочека бившата колешка Лиле Стефанова во судницата, откако го ислуша сведочењето ја испрати со погрдни зборови и навреди.

О***пијо

Г***арке 

Дека и го возев мачето, затоа ли не и чинам?

довикна Јанева свртена кон новинарите додека полицијата ја вадеше од судница. Во ходникот плачеше, а Стефанова која рече дека не е во добри односи со Јанева ја напушти судската зграда. Тоа што го кажа во судница не сакаше да го коментира, надвор пред камерите.

Како сведок на Обвинителството во случајот против Јанева и Боки 13, обвинителката Стефанова образложи кога се случил пресвртот во случајот “Империја”, во кој осомничен е и бизнисменот Орце Камчев. Притисоци за поблаги мерки, околу осомничените додека траела истрагата, стигнувале од политичари, од Наташа Савова поранешна пратеничка, обвинители, па дури и од судијката Добрила Кацарска, но не и од Јанева. Така било се до март кога обвинителите биле повикани од шефицата на СЈО, на состанок во нејзината канцеларија. Средбата поминала во тензична атмосфера. Таму Стефанова добила инструкции од Јанева за предметите Империја и Поштенска Банка.

Ти Лиле дај му го пасошот на Камчев. Ќе даде гаранција од 3,5 милиони евра. Потоа ни даде задача и на мене и на обвинителот Бурим Рустеми да направиме пресметка за предизвиканата штета во “Империја” и “Поштенска банка”, да си платат осомничените и тука да заврши се. А сега марш, излегувајте од тука! – им рекла Катица Јанева, сведочеше  пред судот обвинителката Стефанова.

Според Јанева, така морало да биде поради носењето на новиот закон за Јавно обвинителство, рече Стефанова. Единствен од тимот обвинители кој се побунил на одлуките дека политичките процеси во државата не може да бидат услов за менување на мерките притвор со куќен притвор бил Артан Ајро. Во пакетот барања за мерките и враќањето на пасошите освен за Камчев, Јанева сугерирала и за бизнисменот Цветан Панделевски кој исто така е осомничен во Империја.

Стефанова посочи дека имала средба и со бизнисменот Ванчо Чифлиганец, него Орце Камчев го спомна во сведочењето дека му барал дуќан за ќерката на Стефанова. Обвинителката пак пред судот рече дека средбата со Чифлиганец ја остварила во СЈО, а тој се обидел да извлече информација за Империја односно Камчев, но Стефанова како што истакна му ставила до знаење дека за истраги не може да зборува. На прашањето во какви релации се Чифлиганец, Стефанова пред судот рече

Не знам за какви релации прашувате?

Ако ме прашувате дали му ја знам љубовницата, не му ја знам .

Утре во Судот за случајот Рекет треба да сведочи обвинителот од поранешното СЈО Бурим Рустеми.

Ве молиме следете не и стискајте лајк:
error
fb-share-icon

Можеби сте пропуштиле

Британската и македонската Влада денеска во Лондон го потпишаа договорот за соработка. На договорот се потпишаа британскиот министер за извоз Гарет Томас и вицепремиерот и министер за транспорт и врски Александар Николоски, свеченото потпишување се одржа во историската зграда на Стариот Адмиралитет во Лондон. Со потпишувањето на овој документ, на Македонија ѝ се ставаат на располагање 5 милијарди фунти (6 милијарди евра) за финансирање на капитални проекти во повеќе стратешки сектори. „Стратешкото партнерство со Обединетото Кралство, го гледаме како нешто што ќе ја доведе Македонија до едно ново ниво. Денес потпишуваме Договор Влада со Влада за развојни-инфраструктурни проекти во клучни сектори, како што се: транспорт, образование, животна средина, информатичка технологија, како и други сектори кои што ќе ги развиваме, тука е здравството, но и образованието и ќе продолжиме да соработуваме во претстојниот период. Навистина сме благодарни што Обединетото Кралство, со својот Инструмент за поддршка на надворешно финансирање, постави рамка од 5 милијарди фунти, што е најголемиот договор што Македонија го потпишала во својата историја во однос на економијата. Навистина сме благодарни за тоа и ова го гледаме како одлична можност за целата држава да се развива. Веќе имаме три проекти кои што се подготвени. Тоа е проектот за брзата железница на Коридорот 10, здравствениот проект за болници и секако проектот за образование, за Медицинскиот факултет, а во претстојниот период ќе бараме нови проекти во секторите за енергетика и животна средина, но и други проекти секако“, изјави Николоски по потпишувањето. Министерот за извоз Томас рече дека ова партнерство „отвора ново поглавје во нашите билатерални односи со Северна Македонија“. „Велика Британија има богато искуство во испораката на висококвалитетна инфраструктура низ целиот свет и среќен сум што го започнувам ова ново партнерство што ќе им помогне на повеќе британски бизниси да извезуваат во Северна Македонија“, рече Томас. Од шесте милијарди евра финансиска рамка со Обединетото Кралство во првиот циклус од пет години ќе се повлечат околу 2,2 милијарди евра, изјави министерката за финансии, Гордана Димитриеска-Кочоска во емисијата „360 степени“. „Две милијарди на пет години се по 400 милиони евра. Толку е годишното зголемување на јавниот долг по однос на овие инвестиции кои, од друга страна, ќе придонесат за раст на економијата. Никаде не пишува дека имаме задолжително повлекување на петте милијарди, а британската Влада гарантира дека Македонија кога ќе ги земе кредитите, ќе ги врати“, рече Димитриеска-Кочоска. Министерката рече дека таа не може да даде повеќе детали за парите, висината на каматата и се останато, се додека не добие готов проект на маса. „Ќе мора да седнеме и со министерот за транспорт да се разговара да каже кои се проектите и потоа ние како Министерство за финансии, покрај што ќе добиеме понуда од банката по процедурите од финансии, ќе си побараме понуда и од други меѓународни институции, затоа што тоа го налага законот. Така што, во овој момент не би можела да зборувам повеќе детали затоа што немам зрел проект пуштен во Финансии, врз основа на кој ќе барам понуда од повеќе банки и ќе излезам да кажам колку е точно каматата би било несериозно. Она што го знам и го имам како информација, се разговара за клинички во Штип, болница во Кичево и онаа брза пруга“, рече министерката Димитриеска-Кочоска.

Copyright © Едо телевизија. | Newsphere by AF themes.