Двегодишнината од членството во НАТО, Македонија ја дочекува во време на воена и економска криза, опозицијата бара итно именување на наш претставник во Алијансата
Македонското знаме се развеа пред седиштето на НАТО во Брисел. Станавме 30- земја членка на најголемиот воено политички сојуз. Вршителот на должноста Амбасадор на земјава во САД Вилма Петковска во Вашингтон на 27 март 2020 година му го предаде оригиналниот документ на ратификација од Преспанскиот протокол за членство на помошникот државен секретар на САД за Европа и Евроазија Филип Рикер.
Денот беше означен како историски.
Добредојде во НАТО ни посакаа генералниот секретар на Алијансата Јенс Столтенберг, тогашниот американскиот државен секретар Мајк Помпео, претседателката на ЕК Урсула фон дер Лајен. Церемонијата ја следеше и нашиот државен врв. Членството беше официјализирано во услови на Ковид пандемија а го дочекуваме во воена и економска криза. Премиерот Димитар Ковачевски порача дека во овие неизвесни времиња кога целиот свет се грижи за иднината и безбедноста, нашата земја е дел од најмноќниот сојуз кој ги гарантира територијалниот интегритет и сигурноста.
ЧЛЕНСТВОТО ВО АЛИЈАНСАТА Е МНОГУ ПОВЕЌЕ ОД ГАРАНТИРАНА БЕЗБЕДНОСТ И ЗАШТИТА НА НАШИТЕ ГРАЃАНИ. ДА СЕ БИДЕ ДЕЛ ОД НАТО ЗНАЧИ ИСПОЛНУВАЊЕ НА СИТЕ СТАНДАРДИ НА ЦИВИЛИЗИРАНИОТ СВЕТ, КАКО ЗАШТИТА НА ЧОВЕКОВИТЕ ПРАВА, СОЛИДАРНОСТ МЕЃУ НАРОДИТЕ И УНАПРЕДУВАЊЕ НА ДЕМОКРАТИЈАТА, ИЗЈАВИ ПРЕМИЕРОТ.
Две годишнината од членството во НАТО ја честиташе и поранешниот Премиер Зоран Заев. ,,Тргнавме со лузни од крваваи удари по домаи раб на граѓанска војна. Излеговме од изолацијата во светот, за денес да носиме одлуки за нашата судбиба рамо до рамо со најмоќните во светот, напиша Заев на својот фб профил.
ИЗМИНАВМЕ ДОЛГ ПАТ, КОЈ ГО ЗАНЕМАРИВМЕ ОД ДЕНТА КОГА ГОРДИ ГО ГЛЕДАВМЕ МАКЕДОНСКОТО ЗНАМЕ КАКО СЕ РАЗВИОРИ ПРЕД СЕДИШТЕТО НА НАТО ВО БРИСЕЛ. ДЕН КОЈ Е ИСТОРИЈА. ВАЖНО ПРЕДАНИЕ ЗА НАШИТЕ ПОКОЛЕНИЈА.
ВРЕДЕШЕ, МОЈ НАРОДЕ! ОСТВАРУВАЊЕТО НА ВЕКОВНИОТ СОН НА НАШИТЕ РЕВОЛУЦИОНЕРИ. ОБЕЗБЕДУВАЊЕТО СИГУРНОСТ ЗА СЕГАШНОСТА. ОБЕЗБЕДУВАЊЕТО ИДНИНА ЗА МЛАДИТЕ. ВРЕДЕШЕ!
Но ниту денешниот датум не ги обедини власта и опозицијата. Тие повторно се обвинија за блокрање на процесите .
Соработката на нашата држава со НАТО започна во далечната 1993 година. Влезот со години беше попречуван поради грчкото вето за нерешниот спор за името. Во 2018 година беше потпишан Преспанскиот договор по што вратата во Алијансата беше отворена за Македонија. Следуваше ратификација на Пристапниот протокол во Собранието и националбните парламенти по што се официјализираше нашето полноправно членство.
