ТЕЛЕВИЗИЈА ЕДО

СЕКОГАШ СО ВАС

Грција и Турција ги почнаа преговорите по кавгата за источниот Медитеран

Грција и Турција денеска започнаа со преговори, по петгодишна пауза, за истражувата на фосилни горива во Источен Егеј во обид да се реши спорот за затегнување на односите меѓу двете членки на НАТО по сериозната криза.

урскиот заменик министер за надворешни работи, Сеат Онал,ја примил делегацијата грчки дипломати во палатата Долмабахче во Истанбул, изјави турски официјален претставник.

Преговорите за истражување на истокот на Медитеранот биле прекинати во 2016 година поради зголемување на тензиите.

Конфликтот околу природниот гас тлее со месеци меѓу двете соседни земји, сојузници во НАТО. Ескалира скоро во воен конфликт минатата година.

Грција, членка на Европската унија, ја обвинува Турција за експлоатација на природен гас во морските области, што според меѓународниот поморски закон, и е дозволено да го користи само Грција.

Разговорите Анкара-Атина се одржале за прв пат во февруари 2002 година. Традиционално, ниту една страна официјално не го открива статусот и развојот на преговорите и останува да се види колку се плодни.

Досега страните во конфликтот не се ни договориле за што сакаат да разговараат.

Според Анкара, сите спорни прашања треба да бидат изнесени на маса, вклучително и придружните територии и ексклузивната економска зона во Егејското Море, како и демилитаризацијата на грчките острови покрај турскиот брег и разликите во проширувањето на воздушниот простор.

Атина, од друга страна, сака да разговара за спорот околу истражувањето на гас и разграничувањето на континенталниот појас.

И покрај разликите, Европската унија го поздрави продолжувањето на дијалогот како „позитивен знак“ за односите меѓу Анкара и Брисел по повеќемесечна напнатост.

Во декември, лидерите на Европската унија, од самитот во Брисел, одлучиле да ги казнат „незаконските и агресивни“ активности на Турција против Грција и Кипар. Потоа, на самитот биле усвоени низа индивидуални санкции против надлежните вклучени во активностите за истражување на море во странство, спроведени од Турција, пишува Гардијан.

Please follow and like us:
Copyright © Едо телевизија. | Newsphere by AF themes.