ТЕЛЕВИЗИЈА ЕДО

СЕКОГАШ СО ВАС

Вучиќ од Берлин: Спремни сме за дијалог со Приштина откако ќе ги укинат таксите

Српскиот претседател, Александар Вучиќ, денеска на состанокот во Берлин, на претставничката за надворешна политика и бeзбедност на ЕУ, Федерика Могерини, и го пренел ставот дека Србија е подготвена уште утре да го продолжи дијалогот, доколку Приштина ги укине таксите за српски производи.

„Дали ова ќе се случи, тоа не е во наши раце“, изјави Вучиќ за новинарите во Берлин, а пренесе „Танјуг“.

Тој на средбата со Могерини рекол дека станува збор за европски вредности, односно дека таксите се неодржливи.

Вучиќ во изјавата додаде дека Србија е посветена на својот европски пат и ќе продолжи да работи на тоа.

Тој најави дека подоцна ќе зборува и за очекувањата од попладневниот самит за Западен Балкан, но дека нема да направи циркус и на тој начин да им излезе во пресрет на оние кои, како што кажа, бараат сензација и ексклузивитет.

„Ние не сакаме конфликти, туку зачувување на мирот и стабилноста“, порача српскиот претседател, додавајќи дека неговите очекувања не се преголеми, иако, како што рече, може и да го изненадaт.

Разговорот меѓу Могерини и Вучиќ траел подолго од планираното, пренесе „Танјуг“.

Please follow and like us:
Copyright © Едо телевизија. | Newsphere by AF themes.