ТЕЛЕВИЗИЈА ЕДО

СЕКОГАШ СО ВАС

Владимир Талевски доби 8 години затвор за Транспортер

Кривичниот суд му пресуди 8 години затвор на поранешниот градоначалник на Битола Владимир Талевски  за злоупотреба на службената положба во предметот „Транспортер“ а поранешниот раководител во општината  Слободан Бончановски доби 6 ипол години затвор. Во предметот Транспортер за ученичкиот превоз во Битола, од вкупно 21-те обвинети, 11 мина добија ефективни затворски казни во висина од 2 години и два месеца до 3 години и 3 месеци. Меѓу нив се претежно претставници на транспортни фирми преку кои се реазлизирал превозот . 10 мина обвинети  пак добија условни казни најголем број односно 8 мина биле директори на основни училишта во општина Битола. На предлог на обвинитлството, судечкиот совет одлучи Талевски и Бончановски да бидат во домашен притвор а останатите обвинети добија мерки на претпазливост.

Обвинетите одговараат за кривично дело злоупотреба на службена положба со што предизвикале штета од над 550 илјади евра.  Имаат право на жалба пред Апелација . Наизрекувањето на пресудата не дојде Талевски. Присутвуваа само неколкумина адвокати и обвинети и обвинителите Љубомир Лапе и Трајче Пеливанов.

Судијката Добрила Кацарска читајки ја првостепената пресуда речиси еден час во детали објаснуваше  зошто јавната набака за ученички превоз во Битола била незаконска и што преземале обвинетите.

Please follow and like us:
Copyright © Едо телевизија. | Newsphere by AF themes.