ТЕЛЕВИЗИЈА ЕДО

СЕКОГАШ СО ВАС

Бугарското собрание единствено надлежно за ветото

Бугарската влада денеска на седница усвои одлука со која се предвидува сите предлози од француското претседателство со Европската Унија или од некоја земја-членка, а поврзани со Македонија и со преговорите за зачленување во ЕУ да бидат разгледани во Комисијата за надворешна политика на бугарското собрание.

„Ниту еден политичар отсега не може да каже дека владата може да дејствува еднострано. Одлуката е на парламентот“, рече бугарскиот премиер Кирил Петков.

Ова е официјалниот дел што го соопшти Петков, кој се толкува како одговор на неофицијални верзии дека тој на своја рака ќе го тргне ветото за македонските европски интеграции.

Утрово, во тамошното собрание ваквите дебати ги отвори министерката за надворешни работи во оставка, Теодора Генчовска.

Генчовска, која е кадар на партијата на Слави Трифонов „Има таков народ“, соопшти дека Петков подготвувал подигнување на ветото без да ги консултира другите политички чинители.

Министерката во оставка кажа дека Петков му ветил на еврокомесарот за проширување, Оливер Вархеји, дека ветото ќе падне до крајот на француското претседателство, кое завршува на 30 јуни.

Генчовска тврдеше и дека пред два месеца, советникот за надворешна политика на премиерот испратил нацрт за ажурирање на бугарската рамковна позиција, кој, според неа, значел „ревизија на националната позиција на Бугарија“.

„Нацртот на оваа нова Рамковна позиција не ја вклучува бугарската позиција за таканаречениот македонски јазик“, рече Генчовска.

Таа откри уште еден детаљ. Рече дека во преговарачката рамка на Македонија со унијата ќе има механизам за заштита на правата на Бугарите што живеат тука.

Петков – не паѓајте во замката „Македонија“

Please follow and like us:
fb-share-icon
Copyright © Едо телевизија. | Newsphere by AF themes.