ТЕЛЕВИЗИЈА ЕДО

СЕКОГАШ СО ВАС

БРИТАНИЈА НАЗНАЧИ МИНИСТЕР ЗА ВАКЦИНИ, ИМУНИЗАЦИЈАТА БИ МОЖЕЛА ДА ПОЧНЕ ЗА ДВЕ НЕДЕЛИ

Велика Британија именуваше министер за вакцини, додека земјата се подготвува за вакцинирање на милиони луѓе против ковид-19, што би можело да почне во наредните денови.

Премиерот Борис Џонсон изјави дека досегашниот министер за бизнис и индустрија Надим Захави ќе ја надгледува најголемата програма за вакцинирање во земјата во последните неколку децении.

Британските регулатори моментално разгледуваат две вакцини, една развиена од „Фајзер“ и „БиоНТек“ и другата од Оксфорд и „АстраЗенека“, со цел да се утврди дали се безбедни и ефективни. Весникот „Гардијан“ објави дека болниците биле известени дека најрано на 7 декември ќе ги добијат првите дози од вакцината на „Фајзер“, ако биде одобрена.

Први кои ќе бидат вакцинирани се здравствените лица и жителите на старечките домови, па ќе следуваат сите лица над 80 години.

Please follow and like us:
Copyright © Едо телевизија. | Newsphere by AF themes.